Nəsimi rayonu, Yusif Vəzir Çəmənzəminli küçəsində yerləşən ictimai iaşə obyektində tapılan körpə ilə bağlı təfərrüatlar məlum olub. Bu haqda bu gün, 17 iyul tarixində Bakuplus.az Xəzər Xəbər-ə istinadən məlumat verir.
Bildirilir ki, məkan kafe kimi fəaliyyət göstərir. Körpənin anası da elə burada işləyir. Qonşuların sözlərinə görə, qadın onlara əkiz övladlarının dünyaya gəldiyini, uşaqlardan birinin öldüyünü deyib. Övladının bu vəziyyətdə olması isə anasını narahat etmir.
“Bizə demişdi ki, Naxçıvandandır. Bir oğlanla gəlib. Deyəsən, oğlan uşaq olmamış gəlib buraxıb bura”, – deyə qonşular bildirirlər.
Hazırda körpə və onun anası xəstəxanaya yerləşdiriliblər. Uşağa pnevmoniya diaqnozu qoyulub. Vəziyyəti ağırdır. O, müalicə prosesinin ardınca aidiyyəti üzrə körpələr evinə yerləşdiriləcək.
