Nəsimi rayonu, Abbas Səhhət küçəsi, 25 ünvanında MTK obyekt sahiblərinin şikayətinə səbəb olur. Bu haqda bu gün, 16 aprel tarixində Bakuplus.az ARB-yə istinadən xəbər verir.
Sahibkarın sözlərinə görə, onlarla heç bir danışıq aparmadan obyektlərinin qarşısını bağlayıblar. Bu da onların alverinə ciddi təsir edir.
“Novruzun şirkəti deyirlər. İcazəsiz gəlib, yolumuzu bağlayıb. Həm də ərazini zibilləyirlər, kimin əlinə nə keçir, yığırlar buralara. Bizi hədələyirlər ancaq”, – deyə şikayətçi bildirir.
Sahibkar deyir ki, MTK onun obyektini bazar qiymətinə almaqdan imtina edir:
“Sənəddə 34 kv.m-dir. Şirkət deyir ki, 34 kvadratla ancaq sizə ev verə bilərəm. Mən isə ya tikilən binanın altında obyekt, ya da mənim obyektimin pulunu istəyirəm. Ev və obyekt kimi qiymətdə 2 dəfə fərq var”, – deyə şikayətçi əlavə edib.
Obyekt sahibi rəsmi qurumların ona kömək etməməsindən gileylənir.
