Bakının Nəsimi rayonunun Moskva prospektindəki 72 saylı binada abadlıq-quruculuq işləri başa çatdırılaraq həyət sakinlərin istifadəsinə verilib. Bu haqda bu gün, 12 fevral tarixində Bakuplus.az Rayon İcra Hakimiyyətinə (RİH) istinadən xəbər verir.
350-dən artıq sakinin yaşadığı həyətdə binanın fasadı və dam örtüyü əsaslı təmir edilib, yeni yağış suları axıdan borular və navalçalar quraşdırılıb, həmçinin 4 giriş qapısı və 16 pilləkən qəfəsinin pəncərələri dəyişdirilib. Uşaq və əlil arabaları üçün panduslar quraşdırılıb.
Görülmüş işlər çərçivəsində binanın həyətinə 1500 kv.m-ə yaxın asfalt, 700 kv.m-ə yaxın tamet daşı vurulub, qazon salınıb, yeni bordürlər düzülüb. Bəzi vətəndaşlar tərəfindən zəbt olunmuş sahələr əhalinin ümumi istifadəsinə qaytarılıb, kiçik tullantılar üçün zibil qutuları qoyulub.
Əlavə olaraq, ərazidə müxtəlif növ uşaq oyun elementləri və idman qurğuları quraşdırılıb.
Bununlar yanaşı, həyətdə 100 ədəd şam ağacı və 500-ə yaxın müxtəlif növ gül kolları əkilib. Yaşıllıqların suvarılması üçün 150 p.m su xətti çəkilib, həyətdə 4 nöqtədə işıqlandırma sistemləri və 3 nöqtədə təhlükəsizlik kameraları quraşdırılıb.
[caption id="attachment_129393" align="alignnone" width="640"]
Foto RİH[/caption]
