Bakı sakini Nizami Orucova ona məxsus olan, lakin idarə etmədiyi avtomobilə görə cərimələr gəlir. Bu haqda bu gün, 24 yanvar tarixində Bakuplus.az Xəzər Xəbər-ə istinadən məlumat verir.
Vətəndaşın sözlərinə görə, o, avtomobili nasazlıq səbəbindən yaşadığı Nəsimi rayonu, Mirmahmud Kazımovski küçəsində, məhəllə arası yolda park edib. Lakin son aylar ərzində sürücüyə yol qaydalarının pozulması ilə bağlı cərimələr gəlməyə başlayıb. Cərimələrdən biri Balaxanı yaşayış sahəsi, 100 ünvanında qeydə alınıb, halbuki Orucovun sözlərinə görə, o, ümumiyyətlə, həmin ünvanda olmayıb.
Nizami Orucov avtomobildən istifadə edilmədiyinə baxmayaraq, ona tərtib edilən cərimənin 180 manatını ödəyib, lakin qalan 290 manatı ödəməkdən imtina edib.
Məsələ ilə bağlı Baş Dövlət Yol Polis İdarəsindən bildirilib ki, araşdırma aparılıb və sürücünün xeyrinə qərar verilib.
