Məşhur ifaçı Nigar Camal Bakı Şəhər Polis İdarəsinə çağırılıb. Bu haqda bu gün, 5 mart tarixində Bakuplus.az xəbər verir.
Sözügedən məlumatı Nigar Camal öz şəxsi İnstagram hesabında paylaşıb.
“Bu gün ərizə vermək üçün Bakı Şəhər Baş Polis İdarəsinə çağırıldım. Bir neçə gün öncə adımdan TikTok hesabı açıb, insanları şantaj edən şəxslə bağlı şikayət ərizəmi yazdım. Məsələ artıq hüquq-mühafizə orqanlarının nəzarətindədir.
Daxili İşlər Nazirliyi başda olmaqla məsələ ilə yaxından maraqlanan polislərimizə, Bakı Şəhər Baş Polis İdarəsinə öz təşəkkürümü bildirirəm. Yekun nəticə ilə bağlı yaxın günlərdə açıqlama verəcəyəm. Məsələni işıqlandıran bütün media orqanlarına isə minnətdaram”, – deyə ifaçı paylaşımda qeyd edib.
Bir müddət öncə Nigar Camala qarşı dələduzluq olunub.
[caption id="attachment_131790" align="alignnone" width="640"]
Foto İfaçının İnstagram səhifəsi[/caption]
