“Nimesil” böyrəklərdən xaric olunduğu üçün böyrək çatışmazlığı, böyrəyində xəstəlik olan insanların qəbul etməsi məsləhətli deyil, məcbur qaldıqları halda isə dozası azaldılmalıdır. “Nimesil” müxtəlif reaksiyalar verə bilər. Məsələn: tərləmə, nəfəs darlığı, qızartılar və dəridə qaşınmalar... Düzgün istifadə olunmadığı zaman isə yuxu gətirə, qusmaya, mədə ağrısına səbəb ola bilər. Əslində, bu fikirlər bütün dərmanlara aiddir”.
Bunu Bizim.Media-ya açıqlamasında həkim-farmakoloq, tibb eksperti Aydın Əliyev bildirib.
Həkim qeyd edib ki, istənilən dərman zəhərdir, həkimlərin əlində müalicə vasitəsidir: “Təbii ki, istənilən dərmanın effektivliyi, hansı orqanlara təsir etdiyi nəzərə alınmalıdır. “Nimesil” preparatı da iltihab əleyhinə vasitədir, ağrı kəsir, temperaturu endirir, qeyri-steroid iltihab əleyhinədir”.
Aydın Əliyev vurğulayıb ki, dərmanı 12 yaşdan kiçiklərin istifadə etməsi məsləhətli deyil.
