Bakının “Nizami” Kino Mərkəzində dekabrın 3-də “The Walt Disney Studio”nun yaradılmasının 100 illiyi münasibətilə yubiley tədbiri keçiriləcək. Bu haqda bu gün, 21 noyabr tarixində Bakuplus.az Azərtac-a istinadən məlumat verir.
Tədbir Mədəniyyət Nazirliyinin təşkilatçılığı ilə “Yaradıcı Həftə” çərçivəsində və Azərbaycan Animasiya Assosiasiyasının dəstəyi ilə baş tutacaq.
Saat 18:00 mərkəzdə “Mulan” döyüş-macəra cizgi filmi (1998) nümayiş etdiriləcək.
“The Walt Disney Company” 1923-cü ildə Uolt Disney və Roy O.Disney tərəfindən qurulub. 1926-cı ildə şirkətin ilk uğuru – bu günə kimi məşhur olan “Mickey Mouse” cizgi filmi yayımlanıb. Hazırda “Disney” personajları, əyləncə parkları ilə tanınan multimedia nəhəngidir.
