Nizami rayonunda yaşayış binasının kanalizasiya sistemi nasazdır. Bu haqda bu gün, 28 oktyabr tarixində Bakuplus.az ATV-yə istinadən xəbər verir.
Söhbət Cəmçid Naxçıvanski küçəsində yerləşən doqquzmərtəbəli binadan gedir. Zirzəmiyə yığılan çirkab suyun səviyyəsi yarım metrə qədər çatır. İsti havada çölə çıxmaq mümkün olmur. Aşağı mərtəbələrdə isə yaşamaq belə mümkünsüzdür.
“Üfunətdən evə qonaq belə çağıra bilmirsən. Bloka girəndə ağzını, burnunu tutursan ki, ağcaqanadlardan qorunasan”, – deyə sakinlər bildirirlər.
Onların sözlərinə görə, müvafiq qurumlara müraciət olunsa da, məsələni həll edən yoxdur.
Sukanal İdarəsindən qeyd olunub ki, bina istismara veriləndə kanalizasiya xəttinin diametri az olub. Bu da boruların təzyiqə dözməməyinə gətirib çıxarır. Həmçinin sakinlər də xətlərdən düzgün istifadə etmirlər.
Rəsmi qurumlardan bildirilib ki, yaxın gələcəkdə borular dəyişdiriləcək.
