Nizami rayonunda növbəti küçə əsaslı təmir olunub. Bu haqda bu gün, 30 aprel tarixində Bakuplus.az Avtomobil Yolları Dövlət Agentliyinə istinadən xəbər verir.
Yenidənqurma işləri rayonun Elşən Süleymanov küçəsinin bir hissəsində – Bəhruz Nuriyev küçəsi ilə kəsişmədən Cəmşid Naxçıvanski küçəsi ilə kəsişməyədək olan, uzunluğu 660, eni isə 13,3 m olan hissəsində aparılıb.
Aparılan təmir işləri çərçivəsində asfalt-beton örtüyünün üst qatı frezlənib, küçəyə yeni asfalt-beton örtüyü döşənib, mövcud piyada səkilərinin bərpası işləri aparılıb, yeraltı kommunikasiya xətlərinin baxış qapaqları layihə hündürlüyünə qaldırılıb, yeni baxış qapaqlarının və yağış barmaqlıqlarının qoyulması işləri icra olunub.
Sonda yol cizgiləri çəkilib, nişanlar quraşdırılıb.
