Nizami rayonu, M.Şərifli küçəsi, 1B ünvanında yerləşən su emalı müəssisəsində nöqsanlar aşkarlanıb. Bu haqda bu gün, 27 iyul tarixində Bakuplus.az Qida Təhlükəsizliyi Agentliyinə istinadən xəbər verir.
Aparılan yoxlama zamanı suların mərkəzləşdirilmiş su sistemindən toplandığı, qablaşdırılma ərazisi ilə qabların yuyulma ərazisinin eyni sahədə olduğu, məhsulların saxlanılması üçün ayrı sahənin olmadığı, etiketlərdə məlumatın dolğun olmadığı, havalandırma və dezinfeksiya işlərinin aparılmadığı, eləcə də işçilər üçün xüsusi geyimlərin təşkil edilmədiyi məlum olub.
Aşkar olunan faktlarla bağlı müəssisənin fəaliyyəti dayandırılıb, sahibkar məsuliyyətə cəlb olunub.
