Maştağa-Buzovna yolunda nizamsız ərazi şikayətlərə səbəb olur. Bu haqda bu gün, 24 noyabr tarixində Bakuplus.az APA TV-yə istinadən xəbər verir.
Xəzər rayonunun Xanlar və Abşeron küçələrinin kəsişməsində işıqfor mövcud deyil. Bu da həm sakinlərin, həm də avtomobillərin hərəkətində ciddi çətinliklər yaranır. Bundan əlavə, ərazidə avtobus dayanacağı var. Bu da vəziyyəti daha da betər edir.
“Hər gün bu yolda qəza baş verir. Keçidlər də düzgün yerdə qoyulmayıb. Heç kim bura baxmır ki, camaat rahat gedib-gəlsin”, – deyə sakinlər şikayət edirlər.
Onlar məsələ ilə bağlı aidiyyəti qurumlara dəfələrlə müraciət etsələr də, problem həll olunmayıb.
Azərbaycan Avtomobil Yolları Dövlət Agentliyindən (AAYDA) məsələ ilə bağlı bildirilib ki, əməkdaşlar əraziyə baxış keçirəcəklər və çatışmazlığı aradan qaldıracaqlar.
