“Bakının Zabrat-1 qəsəbəsinə işləyən 118a,118b nömrəli marşrut avtobuslarının sərnişinlərə xidməti bərbaddır”.
Bakuplus.az xəbər verir ki, bunu həmin avtobuslardan şikayətçi olan Bakı sakinlərindən biri bildirib.
“O gün 192 saylı məktəbə getmək üçün 118b nömrəli marşruta mindim. Nuh nəbidən qalma köhnə avtobusda antisanitariya hökm sürürdü. Oturacaqlar çirk içində idi. İki adam hərəkət edəndə salonda toz qalxırdı”, - deyə şikayətçi qeyd edib.
Sərnişinin sözlərinə görə, həmçinin avtobus sürücülərinin özbaşınalığı da insanları narahat edir:
“Keçən dəfə avtobus sürücüsü mafiya serialları qəhrəmanlarının təsirində olduğu aşkar görünən saqqallı biri idi. “Sabunçu keçidi” adlanan yerdə saxlayıb, yerə düşdü. “Alə, Əlövsət, hardasan” deyə çayçını çağırdı. Yerdə xeyli dayandı, sonra əlində bir kağız stəkan çayla qayıtdı və içməyə başladı. Avtobus düz 16 dəqiqə dayandı, sonra yola düşdü”.
Məlumata görə, 118 b marşrutu 192 nömrəli məktəbin yanından keçir. Müəllimlər gecikməsin deyə hər gün saat 05.00-də evdən çıxmaq məcburiyyətindədirlər.
Şikayətçi sərnişin həmçinin Azərbaycan Yerüstü Nəqliyyat Agentliyinə(AYNA) müraciət edib:
“Hörmətli AYNA, 118-i kart sisteminə keçirin. Sərnişinlər sürücü özbaşınalığından cana yığılıb”.
