Milli Məclisdə parklanma ilə bağlı məsələ müzakirə olunub. Bu haqda bu gün, 20 oktyabr tarixində Bakuplus.az Report-a istinadən xəbər verir.
Milli Məclisin deputatı Naqif Həmzəyev parlamentin bu gün keçirilən iclasında çıxışı zamanı sürücülərin əvvəllər parklanma üçün gün ərzində 1-2 AZN ödəyirdilərsə, indi 8-10 AZN ödəməli olduqlarını qeyd edib:
"Avtomobili saxlamaq üçün yer tapa bilməyən vətəndaşlar isə maşınları binaların həyətlərində saxlayırlar. Bu da bina sakinlərinə əlavə problemlər yaradır. Hesab edirəm ki, gələcəkdə aidiyyəti qurumlarla ictimai dinləmələr keçirə və problemlərin həlli üçün işlər görə bilərik", - deyə o əlavə edib.
Deputat parklanma yerlərində elektromobillərin doldurulması üçün məntəqələrin yaradılmasını da təklif edib.
