Bakıda Çin bayramı qeyd olunub. Bu haqda 18 oktyabr tarixində Trend xəbər verib.
Tədbir Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda baş tutub. Təhsil ocağında “Çunyan” – “Əkiz doqquzlar” ənənəvi Çin bayramı qeyd olunub.
Konfutsi İnstitutunun direktoru Rafiq Abbasov bayramın fəlsəfi məzmunu və yaranma əfsanəsini danışıb.
Tədbirdə XX əsr dövlət, siyasi və partiya xadimi, müasir Çin Xalq Respublikasının qurucusu Mao Tszedunun və qədim Çin şairləri Tao Yuanminin və Van Veyin bayrama həsr olunmuş şeirləri səsləndirilib.
