Dekabrın 16-da Kamera və Orqan Musiqisi Zalında “Mystery Ensemble” orkestrinin ifasında “Miyadzakinin röyasi” adlı konsert keçiriləcək. Bu haqda bu gün, 24 noyabr tarixində Bakuplus.az İticket.az-a istinadən xəbər verir.
Tədbirdə Hayao Miyadzakinin çəkdiyi “Gəzən qala”, “Ruhlardan uzaqlaşan”, “Qonşum Totoro” kimi dünyaca məşhur olan yapon cizgi filmlərinin (anime) musiqiləri ifa olunacaq. Həmin “anime”lərin musiqiləri ən böyük müasir yapon bəstəkarı Jo Hisaisi tərəfindən yazılıb.
Konsert saat 20:00-21:30 aralığında baş tutacaq. Biletləri onlayn və şəhərin kassalarından əldə etmək mümkündür. Qiymətlər 10-60 manat arasında dəyişir.
