Noyabrın 25-26-da Bakıda növbəti “Kənddən Şəhərə” həftəsonu yarmarkası keçiriləcək. Bu haqda bu gün, 23 noyabr tarixində Bakuplus.az Kənd Təsərrüfatı Nazirliyinə istinadən xəbər verir.
Yarmarkada müxtəlif regionlardan dəvət olunan fermerlər yerli kənd təsərrüfatı və qida məhsullarını satışa çıxaracaqlar. Burada 80-ə yaxın çeşiddə təbii kənd təsərrüfatı və qida məhsullarının satışı həyata keçiriləcək.
Məhsulların keyfiyyətinə Azərbaycan Qida Təhlükəsizliyi Agentliyi nəzarət edəcək.
Yarmarka fermerlər üçün təmənnasız təşkil olunur. Satıcılar bütün lazımi avadanlıqlar və ləvazimatla təmin olunurlar.
Ünvan: Fətəli xan Xoyski küçəsi, 5 (“Gənclik” metro stansiyasının yanı).
