Oktyabrın 24-də “Libraff” kitab mağazasında Osip Mandelştamın yaradıcılığına həsr olunmuş ədəbi gecə baş tutacaq. Bu haqda bu gün, 20 oktyabr tarixində Bakuplus.az Azərtac-a istinadən xəbər verir.
Tədbir “İranə Qasımova ilə klassik poeziya” layihəsi çərçivəsində keçiriləcək. Poeziya gecəsində şairlər, aktyorlar, mədəniyyət və incəsənət xadimləri, eləcə də poeziya sevənlər görkəmli şairin şeirlərini oxuyacaqlar.
Gecənin təşkilatçısı və layihənin müəllifi şair, ssenarist, rejissor, Azərbaycan Yazıçılar Birliyinin üzvü, bir neçə poeziya toplusunun müəllifi İranə Qasımovadır.
Sözügedən layihə 2019-cu ildən mütəmadi olaraq təşkil olunur. Tədbir çərçivəsində bir sıra yerli və əcnəbi klassik müəlliflərə həsr olunmuş gecələr keçirilib.
