Martın 16-da Bakıda “Uşaqlar üçün sirk-Novruz şou” adlı teatr-sirk tamaşası baş tutacaq. Bu haqda bu gün, 20 fevral tarixində Bakuplus.az İticket.az-a istinadən xəbər verir.
Səhnədə illüzionistlər, kəndirbazlar, sehirli quşlar, həmçinin pudellər və digər qəhramanlar çıxış edəcəklər.
Tamaşa Bakı Musiqi Akademiyası nəzdində Opera Studiyasının Konsert salonunda saat 11:00-12:00 arası keçiriləcək. Biletləri onlayn və şəhərin kassalarından əldə etmək mümkündür. Qiymətlər 8-25 manat aralığında dəyişir. 3 yaşa qədər uşaqlar üçün giriş pulsuzdur.
