Bakının Xətai rayonunda yerləşən Milli Qəhrəman şəhid Polad Həşimovun adını daşıyan küçənin yolları illərdir asfaltlanmır. Bu haqda bu gün, 13 mart tarixində Bakuplus.az xəbər verir.
Sakinlərin sözlərinə görə, Polad Həşimov və Elvin Şükürlü küçələrinin kəsişməsində yerləşən məhəlləarası yollarda vəziyyət dəyişməyib.
“Polad Həşimov küçəsi abadlaşdırılıb və ərazidə parklar salınsa da, ara küçələr bərbad vəziyyətdə qalıb. Qurumlardan hər dəfə bizə bildirilir ki, yollar yay aylarında təmir olunacaq, ancaq heç nə dəyişmir”, – deyə vətəndaşlar şikəyət edirlər.
Daha öncə Bakuplus.az həmin məsələni 2021-ci ilin sentyabr və 2022-ci ilin dekabr aylarında işıqlandırıb. Lakin məsələ öz həllini tapmayıb.
[caption id="attachment_132578" align="alignnone" width="640"]
Foto Bakuplus.az[/caption]
