Bakıda piyada keçidləri tez-tez manşetlərə düşür. Keçidlərin eskalatorların işləməməsinə səbəbindən əhalinin həssas təbəqələri üçün faktiki olaraq əlçatmaz olması mövzusu dəfələrlə müzakirə olunub.
Belə ki, “Beşmərtəbə”nin yaxınlığındakı piyada keçidi Qış Parkının suvarma sisteminə görə müntəzəm olaraq su altında qalırdı. Bəzi keçidlər isə illərdir təmir olunmur, yararsız hala düşür. Bu dəfə paytaxtın elit hissəsində – “Port Baku” ticarət mərkəzi ilə dənizkənarı bulvar arasında yerləşən piyada keçidini su basıb. Bu haqda bu gün, 28 noyabr tarixində Bakuplus.az məlumat verir.
Dünən axşam saatlarından etibarən Bakıda qeyri-sabit hava şəraiti müşahidə olunur, gecədən paytaxtın bəzi hissələrində bir müddət yağış yağıb. Amma bu qısamüddətli yağış belə piyada keçidinin gölməçələrə bürünməsinə kifayət edib.
[video width="848" height="480" mp4="https://bakuplus.az/storage/photos/2023/11/video-whatsapp-2023-11-28-v-10.25.26_42b4cdc0_1.mp4"][/video]
Sinoptiklərin proqnozlarına görə, paytaxt sakinləri sərt və yağışlı qış keçirəcəklər. Bu səbəbdən sakinləri qışda infrastrukturun vəziyyəti narahat edir.
