Paytaxtın Xətai rayonunun Natiq Əliyev küçəsi, 30 ünvanında yaşayan sakinlər rəsmi ödənişli parklanmadan sonra yaranmış vəziyyətdən şikayətçidirlər. Bu haqda bu gün, 2 dekabr tarixində Bakuplus.az “Bakı Gündəliyi” Facebook səhifəsinə istinadən məlumat verir.
Sakinlər bildirirlər ki, bir müddət öncə məhəlləarası yollar boş idi. Hazırda isə həm hərəkət zolağı, həm də piyadalar üçün nəzərə tutulmuş səkilər kənar şəxslərin avtomobilləri ilə dolub.
Onlar onu da qeyd ediblər ki, vəziyyət ölkədə ödənişli parkinqlər elan olunduqdan sonra müşahidə olunur. Əraziyə gələn vətəndaşlar ödənişdən yayınaraq, məhəllələrdən dayanacaq zonası kimi istifadə edirlər.
