Bakıda şəhidin beşinci övladı doğulub. Bu haqda bu gün, 9 fevral tarixində Bakuplus.az xəbər verir.
Şəhidimiz Elvin Qeybəliyevin oğlunun zəruri xərcləri “YAŞAT” Fondu tərəfindən qarşılanıb. Bu məqsədlə 1000 AZN vəsait ananın hesabına köçürüləcək. Dünyaya gələn Məhəmmədəlinin adına isə depozit hesabı açılacaq və hesabına 5000 AZN yerləşdiriləcək.
Həmin vəsait Fonda edilən ianələrdən ayrılıb. Şəhidin övladı bu vəsaiti üzərinə toplanan faizləri ilə birlikdə yetkinliyə çatdıqda hesabından çıxara biləcək.
Qeyd edək ki, Elvin Qeybəliyev Qarabağda aparılan lokal xarakterli antiterror əməliyyatlarında şəhadətə ucalıb.
