Nizami rayonu, Qara Qarayev prospektində inşa olunan yeni obyekt narazılığa səbəb olur. Bu haqda bu gün, 17 fevral tarixində Bakuplus.az ATV-yə istinadən xəbər verir.
Şikayətçilərin sözlərinə görə, inşası nəzərdə tutulan obyekt həm digər binalara yaxın tikiləcək, həm də piyada səkisini zəbt edəcək. İnsanlar hər gün istifadə etdikləri yolun bağlanmasını istəmirlər.
“Marşrut buradan keçir. Biz də hər gün buradan işimizin dalınca gedirik. Biz avtobus dayanacağına necə düşək?!” – deyə sakinlər şikayət edirlər.
Onlar 3 quruma müraciət etdiklərini və sahibkarın tikintiyə icazə sənədinin olmadığını bildirirlər.
Adı hallanan sahibkar isə orada obyekt inşası aparılmasının nəzərdə tutulmadığını qeyd edib.
