Paytaxtın Suraxanı rayonu, Qaraçuxur qəsəbəsi, Etibar Bəşirov küçəsində içməli su küçələrə axır. Bu haqda bu gün, 10 mart tarixində Bakuplus.az Xəzər Xəbər-ə istinadən məlumat verir.
Adıçəkilən ərazidə yerləşən 318 nömrəli mərktəbin yaxınlığında axan su şagirdləri də narahat edir. Belə ki, su şagirdlərin sıx hərəkət etdikləri ərazilərə axır, daim nəmişlik yaradır.
Sakinlərin sözlərinə görə, su içməlidir və 4 ildir belə vəziyyətdədir.
“2 rayonu birləşdirən ana xətt partlayıb. Biz “Azərsu”ya zəng edirik. Gəldilər, qazdılar, 1 dənə taxta vurdular ora, bağladılar. 5 dəqiqədən sonra təzədən partladı. 4 ildir bu su axır. İçməli sudur, biz, Qaraçuxur əhalisi bu israfa görə susuz qalmışıq”, - deyə sakinlər şikayət edirlər.
Suraxanı Sukanal İdarəsinin baş mühəndisi məsələ ilə bağlı bildirib ki, axan su magistral su xəttinə aid deyil.
“Biz qəzanı aradan qaldırmışdıq. Müəyyən iddialar var. Biz müraciət edəcəyik ki, təkrarən briqada göndərsinlər. Axıntılar varsa, aradan qaldırılacaq. Amma axan suyun “Azərsu”ya heç bir aidiyyəti yoxdur. Bunlar yeraltı sulardır”, - deyə o əlavə edib.
[URIS id=93554]
