Qaradağ rayonunun Yeni yol yaşayış massivində sakinlər baxımsızlıqdan əziyyət çəkirlər. Bu haqda bu gün, 29 may tarixində Bakuplus.az “Space News”a istinadən xəbər verir.
Belə ki, 60 ildir yaşayış olan ərazidə sakinlər yolsuzluqdan əziyyət çəkirlər. Yağışda palçıqdan, yayda isə tozdan hərəkət etmək mümkün olmur. Bundan əlavə, ərazidə nə məktəb var, nə də tibb məntəqəsi. Burada 300-dən artıq ailənin yaşadığı bildirilir.
“Uşaqların ayağına çəkmə tapmırıq. Uşaqlar gecikir deyə qaib yazırlar. Dizə qədər palçığın içində oluruq”, – deyə sakinlər bildirirlər.
Sakinlər bəzən öz hesablarına yollara çınqıl tökürlər.
Qaradağ RİH-dən bildirildi ki, rayon ərazisində təmirə ehtiyacı olan digər yollarla yanaşı, Yeni yol yaşayış massivində də 6 küçənin cari il ərzində asfaltlanması nəzərdə tutulub.
