Bakının Qaradağ rayonu, Sahil qəsəbəsinə gələn vətəndaşlar zibil poliqonundan keçməyə məcbur olurlar. Bu haqda bu gün, 27 dekabr tarixində Bakuplus.az ATV Show-ya istinadən xəbər verir.
Sözügedən ərazidə tullantılar yığılır və təmizlənmir. Bu da antisanitariyaya, üfunətə və həşəratların yığılmasına səbəb olur və sakinləri narahat edir. Sakinlərin sözlərinə görə, xüsusilə yay aylarında qəsəbəyə gələn qonaqlar üfunət iyinə dözə bilmirlər.
Məsələ ilə bağlı Sahil Təmizlik Sahəsinin rəisi Qasım Süleymanov bildirdi ki, zibil və tikinti maşınları tullantıları qəsəbənin girəcəyindəki açıq sahəyə apararaq boşaldır. Həmçinin Süleymanov vurğulayıb ki, ərazidə olan zibillər bir neçə dəfə basdırılsa da, tullantılar yenidən əraziyə dolub. Qurum rəisi əlavə edib ki, bayrama qədər sahəyə yenidən traktor gətiriləcək və həmin zibilin üstü qazılacaq.
