AQTA “Rahat” market və “Zeytun Aptek”i cərimələyib. Bu haqda bu gün, 23 dekabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlamalar zamanı sözügedən obyektlərlə yanaşı aşağıdakı müəssisələrdə də qanun pozuntuları aşkarlanıb:
- "Rahat" supermarket - Bakı şəhəri, Nizami rayonu, Nəsimi küç., ev 25A;
- "Bizim RNS" market - Bakı şəhəri, Nizami rayonu, Q.Qarayev pr., ev 2;
- "Romaşka" market - Səbail rayonu, R.Rza küç.,ev 17;
- "Qarabağ" market - Səbail rayonu, R.Rza küç.,ev 19;
- "Zeytun" aptek - Nəsimi rayonu, Azadlıq pr.,ev 63;
- "Zeytun" aptek - Nəsimi rayonu, S.Zeynalov küç., ev 4;
- "Gəncə Store" - market Nərimanov rayonu, İ.Dadaşov küç., ev 57;
- "Uğur" market - Nərimanov rayonu, M.Araz küçəsi;
- "Home Food" MMC-yə məxsus mağaza - Nərimanov rayonu, İ.Dadaşov küçəsi.
Adıçəkilən obyektlərdə qida təhlükəsizliyinə dair sənədin olmaması, işçilərin tibbi müayinədən keçməməsi, baytarlıq sənədi olmadan ət satışı ilə məşğul olunması, eləcə də ev məhsullarının satışı faktları aşkarlanıb. Bunlarla bağlı sahibkarlar məsuliyyətə cəlb olunublar.
