Sabunçu rayonu, Ramana qəsəbəsi, 12-ci mədən, 43 ünvanında yerləşən 110 ildən artıq yaşı olan bina tamamilə dağılmaq təhlükəsi ilə üz-üzədir. Ərazidə quraşdırılan elektrik xətləri isə tam açıq formadadır və sakinlər bildirirlər ki, yağış yağan zaman heç bir dəmir parçalara toxunmaq mümkün deyil. Bu haqda bu gün, 15 mart tarixində Bakuplus.az Baku TV-yə istinadən məlumat verir.
Binanın tavan hissəsi dağılıb, pilləkənin daşları da tamamilə parçalanaraq dağılıb.
Bununla yanaşı, ərazidə kanalizasiya sistemləri olmadığından binanın həyətində quraşdırılan 3 sanitar qovşağından 26 ailənin üzvləri istifadə edirlər. Və onlar bildirirlər ki, ərazidə quraşdırılan sanitar qovşaqları tamamilə yararsız vəziyyətdədir. Binaya yaxınlaşmaq elə də asan məsələ deyil. Ərazidə yol infrastrukturu da yoxdur.
Binanın gələcək aqibəti ilə bağlı 3 saylı xüsusi təyinatlı Mənzil-Kommunal Təsərrüfat Birliyinin əməkdaşı Vəli Əliyev bildirib ki, məsələ ilə bağlı FHN-ə müraciət göndərilib, nazirliyinin rəyləri əsasında siyahı tərtib olunub.
Məsələ ilə bağlı Sabunçu RİH-nin əməkdaşı binanın sökülməsinin gecikmə səbəbini sakinlərin ödəniləcək kompensasiya ilə razılaşmaması ilə əlaqələndirib. Onun sözlərinə görə, binada yaşayan sakinlərin əksəriyyəti bu binadan köçürülüb. Kompensasiya şərtləri ilə narazı qalan sakinlər isə hələ həmin ünvanda yaşayırlar.
[caption id="attachment_94255" align="alignnone" width="640"]
Foto Baku Tv-nin rəsmi Youtube kanalı[/caption]
