Bakının Sabunçu rayonunun Ramana qəsəbəsində sakinlər içməli su ilə bağlı narahatlıq yaşayırlar. Bu haqda bu gün, 21 avqust tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, içməli su bir neçə gündən bir 2 saat müddətinə verilir. Həmçinin suyun təzyiqi çox zəif olduğuna görə, onlar ehtiyat çənlərini doldura bilmirlər.
“Krandan suyun əvəzinə hava gəlir. Hər ay yalandan 15-16 manat pul odəyirik”,- deyə sakinlər şikayət edirlər.
“Azərsu” ASC-dən verilən məlumata görə, suya tələbat artdığına görə, təzyiq aşağı düşüb. Həm də sözügedən ərazi relyef baxımından yüksəkdə yerləşdiyi üçün çətinliklər müşahidə olunur.
