Sabunçu rayonunun Ramana qəsəbəsində, 2-ci sahə adlanan ərazidə yollar palçıq içindədir. Bu haqda bu gün, 15 yanvar tarixində Bakuplus.az ARB-yə istinadən xəbər verir.
Sözügedən ərazidə asfalt örtüyü olmadığından yağıntılı havada hərəkət xeyli çətinləşir. Kələ-kötür, palçıqlı yollarda çəkməsiz gəzmək mümkün deyil.
“Hər gün şalvar və ayaqlarımız palçıq olur. Hər axşam yuyub, qurudub məcburiyyətindəyik”, – deyə məktəblilər bildirirlər.
Sakinlərin sözlərinə görə, dəfələrlə müraciət etsələr də, məsələ öz həllini tapmır. Sürücülər də yollardan şikayət edirlər. Onlar bildirirlər ki, təkər dəyişməkdən, “peredok” yığdırmaqdan birtəhər olublar. Qazandıqları maşına gedir.
Rayon İcra Hakimiyyəti vurğulayıb ki, sözügedən küçə barədə Avtomobil Yolları Dövlət Agentliyinə yaxın zamanda müraciət ediləcək.
