Model və bloger Razi Əliyevanın şikayətinə görə həbs olunmuş Ziya Hüseynzadənin cinayət işi üzrə ibtidai istintaq yekunlaşıb. Bu haqda bu gün, 30 dekabr tarixində Bakuplus.az APA-ya istinadən məlumat verir.
Cinayət işinə hakim Siyavuş Hacıyev tərəfindən baxılacaq.
İlkin araşdırmalara əsasən, Hüseynzadə mayın 26-da R.Əliyevanın Qaradağ rayonu, Lökbatan qəsəbəsində anasına məxsus mənzilinə hücum edib. O, həmçinin nalayiq ifadələr səsləndirib zor tətbiq etməklə giriş qapısını zədələyərək ictimai qaydanı kobud surətdə pozan və cəmiyyətə açıqca hörmətsizlik ifadə edən xuliqanlıq hərəkətləri törədib.
Faktla bağlı “Xuliqanlıq” maddəsi ilə cinayət işi başlanılıb. Hüseynzadə həbs edilib. Cinayət işi üzrə istintaq hərəkətləri davam etdirilir.
Daha öncə məşhur bloger, aparıcı və “Miss Azerbaijan” müsabiqəsinin qalibi Raziyyat Əliyeva döyülmə və sosial şəbəkələrdə naməlum şəxslərin onunla bağlı videolar paylaşması ilə əlaqədar polisə müraciət edib. Bu videolarda Ziya adlı şəxs onu xəyanət etməkdə ittiham edir.
Əliyeva videolarla bağlı ictimaiyyətə və polisə müraciət edib. Onun sözlərinə görə, o, həmin kişi tərəfindən şiddətə məruz qalıb. Əliyeva döyülmə, hədə-qorxu və anasının qapısının sındırılması ilə bağlı şikayət bildirib. O, həmçinin müvafiq şəkilləri paylaşaraq daha öncə də zorakılığa məruz qaldığını iddia edib.
