İçərişəhərdə Ramazan turu keçiriləcək. Bu haqda bu gün, 8 mart tarixində Bakuplus.az qoruğa istinadən xəbər verir.
Ramazan ayının gəlişi münasibətilə İçərişəhərin dini abidələrini bələdçilərin müşayiəti ilə ziyarət etmək üçün xüsusi tur təşkil olunacaq.
Turun marşrutu Şirvanşahlar Saray məscidləri, Sıratağlı Dini-memarlıq kompleksi, Seyid Yəhya Bakuvi türbəsi, Məhəmməd məscidi, Bəylər məscidi, Cümə məscidi və İçərişəhərdəki digər məscidləri əhatə edəcək.
Turlar 9 mart tarixindən etibarən Azərbaycan, ingilis və rus dillərində keçiriləcək. Qiymət 15 AZN təşkil edir.
Biletləri İçərişəhər Turizm İnformasiya Mərkəzinin kassalarından əldə edə bilərsiniz. Ünvan: Böyük Qala küçəsi, 55, Qoşa Qala qapısının yanı.
Ətraflı məlumat üçün 012 505 94 15 nömrəsi ilə əlaqə saxlamaq mümkündür.
