Səbail rayon icra başçısı Vətən müharibəsi şəhidi Murad Qurbanovun bacısının toy məclisində iştirak edib. Bu haqda bu gün, 22 dekabr tarixində Səbail Rayon İcra Hakimiyyəti məlumat verib.
Mərasimə Vüqar Zeynalovla yanaşı, millət vəkili Nigar Arpadarai, rayonun hüquq-mühafizə orqanlarının rəhbərləri, RİHBA-nın məsul şəxsləri və şəhidlərin ailə üzvləri qatılıblar. İcra başçısı yeni qurulan ailəyə həyatlarında xoşbəxtlik, ailə səadəti arzulayıb.
Murad Qurbanov Vətən müharibəsində Xocavənd rayonu istiqamətində gedən döyüşlərdə qəhrəmancasına şəhid olub. O, ölümündən sonra "Vətən uğrunda”, “Füzulinin azad olunmasına görə”, “Cəbrayılın azad olunmasına görə” və “Xocavəndin azad olunmasına görə” medalları ilə təltif olunub.
