Bakı şəhəri, Səbail rayonunda yerləşən köhnə tikili narkotik aludəçilərinin yuvasına çevrilib. Bu haqda Bakuplus.az bu gün, 23 dekabr tarixində məlumat verir.
Söhbət Anar Nəcəfov küçəsində əvvəllər dövlət idarəsi kimi fəaliyyət göstərən binadan gedir. Tikilinin bəzi otaqlarında narkomanlar gecələmək üçün özlərinə şərait qurublar. Yatmaq üçün yorğan-döşəkləri də var.
“Həmin yerdən qorxa-qorxa keçirik. Bir neçə müddət əvvəl narkomanlardan biri artıq dozada narkotik vasitə qəbul etdiyi üçün ağrılar içində dünyasını dəyişib. 10 ildən çoxdur ki, bura özəlləşdirilsə də, tikiliyə nəzarət olunmur. Bu məsələyə bir əncam çəkilməsini həm xahiş, həm tələb edirik”, - deyə yaxınlıqda yaşayan sakinlər bildiriblər.
ATV News-un araşdırmasından sonra məlum oldu ki, binada 2000-ci ilə qədər Bakı ŞİH-nin Şəhərsalma, Memarlıq, Arxeologiya Abidələrinin Bərpası üzrə Bərpaçı Baş İdarəsi yerləşib. Sonra tikili xəstəxana kimi fəaliyyət göstərib.
Əraziyə cəlb olunan Səbail RPİ əməkdaşları tikiliyə baxış keçiriblər. Tikilidə nəzarət tədbirləri gücləndiriləcək. Neqativ hallar aradan qaldırılanədək ərazidə polis qrupları xidmət göstərəcək.
[caption id="attachment_84369" align="alignnone" width="640"]
Foto ATV-nin rəsmi Youtube kanalı[/caption]
