Bakının Səbail rayonunda abadlıq-təmizlik işləri aparılıb. Bu haqda bu gün, 20 iyul tarixində Bakuplus.az rayon İcra Hakimiyyətinə (RİH) istinadən xəbər verir.
Mənzil-kommunal Təsərrüfat Birliyinin əməkdaşları tərəfindən keçirilən iməcilik çərçivəsində rayon ərazisində yerləşən prospekt və küçələrdə, park və xiyabanlarda ümumi təmizlik işləri aparılıb.
Həmçinin yeraltı piyada keçidləri, səkilər, bordürlər, eləcə də işıq dirəkləri, məhəccərlər və mağaza vitrinləri təmizlənib. Əlavə olaraq, binaların fasadları, məişət tullantıları üçün nəzərdə tutulan konteynerlər, reklam lövhələri, ağaclar və yaşıllıq zolaqları yuyulub.
