Bakının Səbail rayonunda “Veteranlar parkı” kimi tanınan park baxımsız vəziyyətə düşüb. Bu haqda bu gün, 29 fevral tarixində Bakuplus.az ATV Show-ya istinadən xəbər verir.
Sakinlərin sözlərinə görə, sözügedən parkda olan fəvvarə artıq 5 ildir ki işləmir, elektrik naqillərinin üstü açıqdır, işıqlandırma yoxdur, daş plitələr qopub, qazonlar baxımsızdır, ağaclara isə mismar vurulub.
“Uşaqlarımıza görə qorxuruq. O biri tərəfdə yaxşı təmir olunmuş park var. Buranı təmir etsələr, yaxşı olardı”, – deyə sakinlər bildirirlər.
Məsələ ilə bağlı Səbail RİH-dən və Bakı Abadlıq Xidmətindən bildirilib ki, park onların balansında deyil. Beləliklə, parka sahib çıxan olmayıb.
