Səbail rayonu Bibiheybət adlanan ərazidə məcburi köçkünlərin yaşadığı yataqxanalara baxış keçirilib, nəticədə dam örtüyü dəyişilib. Bu barədə Səbail İcra Hakimiyyətinin mətbuat xidməti məlumat yayıb.
Baxış zamanı 46 ailənin yaşadığı, Təhsil Nazirliyinə məxsus, A.İsmayılov küçəsi 88/3 ünvanında yerləşən 3 saylı yataqxananın, 6 ailənin yaşadığı, Bibiheybət NQÇ-yə məxsus, Buxta küçəsi 212 ünvanında yerləşən inzibati binanın və 8 ailənin yaşadığı Bibiheybət qəsəbəsində yerləşən 26 saylı uşaq sanatoriyasının binasının dam örtükləri yararsız hala düşdüyü müəyyən olunub.
Səbail İH-i Qaçqınların və Məcburi Köçkünlərin İşləri üzrə Dövlət Komitəsinə rəsmi müraciət göndərib, və qeyd olunan ünvanlarda dam örtüyü təmir olunub.
Həmçinin, Kəlbəcər rayonundan məcburi köçkün Zakir Həsənova məxsus olan F.Qurbanov küçəsi 8 ünvanında yerləşən evi bu ilin mart ayında qaz partlayışı nəticəsində yararsız vəziyyətə düşmüşdür. Həmin evdə Qaçqınların və Məcburi Köçkünlərin İşləri üzrə Dövlət Komitəsi tərəfindən təmir olunmuşdur.
[caption id="attachment_8703" align="alignnone" width="696"]
Foto Səbail İH-nin rəsmi saytı[/caption]
[caption id="attachment_8701" align="alignnone" width="696"]
Foto Səbail İH-nin rəsmi saytı[/caption]
