Bakının Sabunçu rayonu, Kürdəxanı qəsəbəsinin “Ləhic bağları” adlanan ərazisində qeyri-adi hadisə baş verib. Səhər işə çıxan kişi axşam evinə girə bilməyib. Naməlum şəxslər köhnə darvazanı sökərək yenisi ilə əvəzləyiblər, açarları də dəyişiblər. Bu haqda bu gün, 5 avqust tarixində Bakuplus.az Real TV-yə istinadən məlumat verir.
Şikayətçi Tural Məhərrəmova bu ev babasından miras qalıb. Ailə bu evə yaydan-yaya gəlirmiş. Elə bu ildə də iyun ayından etbarən Tural ailəsi ilə birlikdə bu evə köçüb. Amma bu yay bağ evi onları qəribə bir “mesajla” qarşıladı. Belə ki, onlar evə gələndə qapıya “Bağın sahibi”nin adından nömrə yazılıb yapışdırılıb. O, həmin nömrə ilə əlaqə saxlayaraq izah edib ki, bu, ona babasından qalma evdir.
Hadisə ilə bağlı vətəndaş polisə müraciət edərək səhər saatlarında işə gedib. Axşam evə qayıdan Tural Məhərrəmov tam yeni darvaza ilə qarşılaşıb. Bu azmış kimi, açar da dəyişilib. Həmin gündən etibarən sakin öz evinə daxil ola bilmir.
Vətəndaşın sözlərinə görə, o, dələduzların qurbanı olub. Belə ki, Azər, Elza, Səbuhi adlı şəxslər “makler” adı ilə fırıldaqçılıqlara əl atırlar.
Rayon bələdiyyəsindən vəziyyətdən xəbərsiz olduqlarını bildirdilər. Məlumat daxil olandan dərhal sonra araşdırmalara başlanılıb.
Daxili İşlər Nazirliyindən (DİN) də bildirilib ki, vətəndaşın müraciəti ilə bağlı araşdırma aparılır.
