Paytaxtda “Məktəbdə...” layihəsinin növbəti görüşü keçiriləcək. Bu haqda bu gün, 29 fevral tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
Keçiriləcək görüşün növbəti qonağı cüdoçu, ikiqat Paralimpiya çempionu, ikiqat dünya çempionu, səkkizqat Avropa çempionu İlham Zəkiyevdir.
Tədbirdə çempion məktəb və müəllimin insan həyatındakı rolu, uşaqlarda özünə inam və özünüinkişaf xüsusiyyətlərinin formalaşdırılması, həmçinin müəllim-şagird münasibətləri və digər maraq doğuran mövzular ətrafında söhbətlər aparılacaq.
Görüş martın 1-də paytaxtdakı 65 nömrəli tam orta məktəbdə baş tutacaq.
