Sərnişin avtobuslarının cəlbediciliyi artırılacaq. Bu haqda bu gün, 13 fevral tarixində Bakuplus.az APA-ya istinadən xəbər verir.
“Sərnişin marşrut xəttində tıxacda qalacaqsa, o, avtobusa minməyəcək. Buna görə də qurum avtobusların cəlbediciliyini artırmaq üçün zolaqların əhatə dairəsini genişləndirməyi hədəfləyib”, – deyə Azərbaycan Yerüstü Nəqliyyat Agentliyinin İctimai nəqliyyat şöbəsinin müdiri Emin Məcidov bildirib.
Onun sözlərinə görə, hazırda Bakı şəhərində 21 avtobus zolağı var ki, bu da təxminən 70 kilometri əhatə edir və bu zolaqların 160 km uzunluqda olması planlaşdırılır.
Bundan əlavə, ekspres marşrutların sayının artırılması və əhatə dairəsinin genişləndirilməsi hədəflənib.
“Vətəndaşlar mənzilbaşına daha tez çatmaq üçün bəzən qanunsuz sərnişindaşıma vasitələrindən istifadə edirlər. Bu səbəbdən də ekspres marşrutların təşkili çox önəmlidir”, – deyə qurumun məsul şəxsi qeyd bildirib.
