Sabunçu rayonunda fəaliyyət göstərən 166 saylı marşrut üzrə hərəkət edən avtobusların sayı çoxaldılacaq. Bu haqda BakuPlus.az bu gün, 20 yanvar tarixində ATV-yə istinadən xəbər verir.
“Ramana Gülçülük qəsəbəsində alternativ marşrut olmadığına görə orada günün pik saatları var - saat 07:30-dan 09:30-dək. O da, təbii ki, hər kəsin işə tələsdiyi vaxtdır. Hazırda 10 avtobus fəaliyyət göstərir 12 dəqiqə interval ilə. Səhər tezdən və axşam bu vaxt daha da qısalır. İstehsalat bazamız yeniləndikcə avtobusların sayını daha da çoxaldacağıq”, - deyə daşıyıcı şirkətin nümayəndəsi Asif Rüstəmov bildirib.
Rüstəmov, həmçinin sosial şəbəkələrdə sərnişinlərin avtobusun qapısından sallanaraq getdikləri videogörüntülərə münasibətini bildirərək deyib ki, həmin sürücü barəsində intizam tədbiri görüləcək. BNA-dan isə bildirilib ki, məsələ ilə bağlı 166 nömrəli xətt üzrə daşıyıcı şirkətin məsul şəxsi izahat alınması üçün agentliyə çağırılıb.
