Bakının Sabunçu rayonu, Savalan qəsəbəsində sakinlər yağışlı havalardan sonra əziyyət çəkirlər. Bu haqda bu gün, 20 dekabr tarixində Bakuplus.az İctimai TV-yə istinadən xəbər verir.
Şəhid Ülvi Rəfiyevin adını daşıyan küçənin sakinləri yolların pis halda olmasından şikayət edirlər. Yağış yağandan sonra küçələr palçıq olur, yollarda gölməçələr yaranır. Bu səbəbdən həm piyadalar, həm də sürücülər çətinlik çəkirlər.
Sakinlərin sözlərinə görə, uşaqlar məktəbə girəndə ayaqqabılarını soyunmağa məcbur olurlar.
“Maşını 2 aydan bir təmirə aparıram. Həm uşaq, həm böyük – hamımız əziyyət çəkirik. Baxan da yoxdur”, – deyə onlar şikayət edirlər.
Sabunçu rayon İcra Hakimiyyətindən bildirilib ki, bu yollar artıq Azərbaycan Avtomobil Yolları Dövlət Agentliyinin (AAYDA) səlahiyyətindədir.
AAYDA-dan verilən məlumata görə, isə sözügedən ərazilər növbəti investisiya proqramına daxil edilərsə, yollar təmir olunacaq.
