Bakıda sudan qanunsuz istifadə halı aşkarlanıb. Bu haqda BakuPlus.az “Azərsu” ASC-yə istinadən bu gün,12 may tarixində xəbər verir.
Sabunçu rayonunun Bilgəh qəsəbəsində sudan uçotsuz və sayğacdankənar istifadə halları aşkarlanıb.
Araşdırma zamanı məlum olub ki, qəsəbənin Albalılıq massivində obyekt sahibi yaxınlıqdan keçən xəttə qanunsuz qoşularaq sudan istifadə edir. Həmin obyektdə bu hal öncə də müşahidə olunub.
Massivdə yaşayan bəzi sakinlər isə texniki şərt olmadan, tikinti norma və qaydalarına uyğun olmayaraq su xətləri çəkiblər. Onlar təzyiq yaratmaq məqsədilə xəttin üzərində bölüşdürücü çənlər quraşdırıblar və suyu evlərə həmin çənlər vasitəsilə paylayıblar.
“Azərsu” əməkdaşlarına qapı açmayan sakinlər muqavilə bağlamaqdan imtina edirlər. Aşkarlanmış qeyri-qanuni xətlər ləğv olunub.
Hər fakt üzrə zəruri tədbirlər görülüb, özbaşına çəkilmiş xətlər və qoşulmalar ləğv edilib, sudan istifadə qaydalarının tələblərinə uyğun olaraq qanunsuz istifadəyə görə dəymiş ziyan hesablanıb.
2022-ci ilin yanvar-aprel aylarında içməli sudan qanunsuz istifadə ilə bağlı “Azərsu” üzrə 2982, Sabunçu rayonu üzrə isə 545 fakt aşkarlanıb.
[caption id="attachment_44225" align="alignnone" width="800"]
Foto "Azərsu" ASC-nin rəsmi saytı[/caption]
