Sabunçu rayonunda şəhid İlkin Quliyevin xatirəsini əbədiləşdirən bulağın açılışı olub. Bu haqda 11 oktyabr tarixində Sabunçu Rayon İcra Hakimiyyətinin rəsmi Facebook səhifəsində xəbər verilib.
Xatirə bulağı şəhidin yaşadığı binanın həyətında inşa olunub. Açılış mərasimində şəhidin ailəsi, dostları, İcra Hakimiyyətinin başçısı Adil Vəliyev, Sabunçu rayon polis idarəsinin əməkdaşları, Sabunçu Rayon İcra Hakimiyyətinin Vətən müharibəsi iştirakçıları və digər rəsmi şəxslər iştirak edib. Mərasimdən sonra onun dəfn olunduğu Bakixanov qəsəbəsində məzarı ziyarət olunub.
İlkin Quliyev Vətən müharibəsi başlayanda xidmət etdiyi hərbi hissədən könüllü olaraq müharibəyə qatılmış, Füzuli rayon istiqamətində gedən döyüşlərdə iştirak etmişdir. 09.10.2020-ci ildə Füzuli rayon istiqamətində gedən döyüşdə qəhrəmancasına şəhid olmuşdur. 10.10.2020-ci ildə Bakıxanov qəsəbəsində yerləşən “Şəhidlər Xiyabanı”nda dəfn olunmuşdur. Ölümündən sonra “Vətən uğrunda” , “Füzulinin azad olunmasına görə” medalları ilə təltif olunmuşdur.
[caption id="attachment_9090" align="alignnone" width="696"]
Foto Sabunçu rayonu İcra Hakimiyyətinin səhifəsi[/caption]
[caption id="attachment_9089" align="alignnone" width="600"] Foto Sabunçu rayonu İcra Hakimiyyətinin səhifəsi[/caption]
