Xəzər rayonu Şağan qəsəbəsində kanalizasiya problemi və yollardakı acınacaqlı vəziyyət hələ də davam edir.
Bununla bağlı sakinlər Bakuplus.az-a videolar göndərib. Görüntülərdən də göründüyü kimi yolları su basıb və yağışın fəsadları hələ də aradan qaldırılmayıb.
Sakinlərin sözlərinə görə, yeraltı keçidlərdən belə istifadə edə bilmirlər:
“Marketdən çıxıb keçidə getmək lazımdır. Amma keçidə çatmaq üçün “üzə-üzə” getməliyik. Çünki yol yoxdur. Yolu keçmək lazımdır, bu da çox təhlükəlidir. Şağan kəndinə təcili kanalizasiya çəkilməlidir”.
Bildirilib ki, məktəb yolları da pis vəziyyətdədir və uşaqlar dərsə getməkdə əziyyət çəkir.
“Bura məktəbə gedən yoldur. Hər yer gölməçədir. Hələ elə də çox yağış yağmayıb. İndidən belədir. Uşaqlar məktəbə bu gölməçənin içi ilə gedirlər”, - deyə sakinlərdən biri qeyd edib.
Bildirək ki, təkcə yollar deyil, evlərin həyətlərində də vəziyyət eynidir.
Vətəndaşlar problemlərinin həll olunmasını tələb edir.
@bakuplus.azXəzər rayonu Şağan qəsəbəsində kanalizasiya problemi və yollardakı acınacaqlı vəziyyət hələ də davam edir. Bununla bağlı sakinlər Bakuplus.az-a videolar göndərib. Görüntülərdən də göründüyü kimi yolları su basıb və yağışın fəsadları hələ də aradan qaldırılmayıb. Sakinlərin sözlərinə görə, yeraltı keçidlərdən belə istifadə edə bilmirlər: “Marketdən çıxıb keçidə getmək lazımdır. Amma keçidə çatmaq üçün “üzə-üzə” getməliyik. Çünki yol yoxdur. Yolu keçmək lazımdır, bu da çox təhlükəlidir. Şağan kəndinə təcili kanalizasiya çəkilməlidir”. Bildirilib ki, məktəb yolları da pis vəziyyətdədir və uşaqlar dərsə getməkdə əziyyət çəkir. “Bura məktəbə gedən yoldur. Hər yer gölməçədir. Hələ elə də çox yağış yağmayıb. İndidən belədir. Uşaqlar məktəbə bu gölməçənin içi ilə gedirlər”, - deyə sakinlərdən biri qeyd edib. Bildirək ki, təkcə yollar deyil, evlərin həyətlərində də vəziyyət eynidir. Vətəndaşlar problemlərinin həll olunmasını tələb edir.
