Xəzər rayonu, Qala qəsəbəsində küçələr bərbad vəziyyətdədir. Bu haqda bu gün, 23 noyabr tarixində Bakuplus.az Real TV-yə istinadən xəbər verir.
Sakinlərin sözlərinə görə, yayda tozdan, qışda isə palçıq əlindən hərəkət etmək mümkün deyil. 20-ci əsrin ortalarından yaranan və 200 ailənin yaşadığı yaşayış sahəsi elə o vaxtdan bu günə qədər asfalt görməyib. Onlar küçənin adını belə bilmirlər.
“Hələ öz cibizmidən yolları bir az düzəltmişik. Taksi gəlmir ki, yollar bərbaddır. Məktəbə gedən uşaqlar palçıq içində olurlar”, – deyə sakinlər şikayət edirlər.
Vətəndaşlar problemlə bağlı dəfələrlə müvafiq qurumlara müraciət etsələr də, heç kim addım atmır.
Xəzər rayon İcra Hakimiyyətindən məsələ ilə bağlı bildirilib ki, sözügedən ərazi 21-ci Qala küçəsi adlanır və yolların təmiri ilə bağlı artıq AAYDA-ya müraciət ünvanlanıb. Agentlikdən isə bildirilib ki, yollar mərhələli şəkildə yenidən qurulacaq.
