“Sevil” Beynəlxalq Qadın Sənədli Film Festivalı BMT-nin Gender əsaslı zorakılığa qarşı 16 günlük fəallıq kampaniyasına qoşularaq bu gün, 8 dekabr və 10 dekabrda iki film nümayiş olunacaq. Bu haqda Bakuplus.az məlumat verir.
8 dekabr, 19:00 - “Dəcəl uşaqlar”, rejissor Ahmet Necdet Cupur (Türkiyə, Fransa, Almaniya). Məkan: Azərbaycan kinoteatrı.
Türkiyənin cənub-şərqindəki kəndlərinin birində Mahmut yeni evləndiyi həyat yoldaşından boşanmaq istəyir. Eyni zamanda bacısı Zeynep qiyabi məktəbə gedib və fabrikdə işləməyə başlayıb. Atasının istəyinə zidd olaraq o, kəndi tərk edib universitetə daxil olmaq istəyir. Mahmut və Zeynəbin səylərinə alışmamış mühafizəkar ailə və cəmiyyətdə uşaqların tələbləri qarşıdurma mərkəzinə çevrilir. “Dəcəl uşaqlar” keçmiş və indiki nəsillərin toqquşmasının hekayəsidir.
10 dekabr, 18:30 - “Ölümünə boşanmaq”, rejissor Kloya Feirvezer (Birləşmiş Krallıq, Norveç, Türkiyə, Almaniya). Məkan: Baku Community Space (Bəşir Səfəroğlu küç., 133, SAT plaza, 7-ci mərtəbə).
Hər üç türk qadından biri məişət zorakılığına məruz qalır. Qadın qətllərinin sayı isə artmaqdadır. Amma bəzi türk qadınları buna qarşı mübarizə aparırlar. Cəsarətli vəkil İpek Bozkurt zorakılıq edən kişiləri dəmir barmaqlıqlar arxasına qoyaraq qadına qarşı zorakılığa etiraz etməkdə qərarlıdır.
Hər iki film nümayişinə giriş sərbəstdir.
[caption id="attachment_82252" align="alignnone" width="640"]
Foto sevilfest İnstagram səhifəsi[/caption]
