Sosial şəbəkələrdə və reklam saytlarında bahalı mobil telefonlar almaq məqsədilə kütləvi oğurluq etməkdə şübhəli bilinən 33 yaşlı Yusif Məhərrəmov saxlanılıb. Bu haqda bu gün, 3 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
DİN-in mətbuat xidmətindən verilən məlumata görə, o, reklam saytlarında mobil telefon satışı ilə məşğul olan şəxslərlə əlaqə saxlayıb, onların bank kartlarının 16 rəqəmini alıb, SMS-lə təsdiq kodu alıb və kartdakı pul vəsaitlərini oğurlayıb. Fiziki şəxslərə məxsus 30-dan çox bank kartının kodunu sındıran şübhəli şəxs ən çox 070 432-90-90, 070 564-58-58 nömrələrindən istifadə edib.
Onun əməllərindən zərər çəkən başqa vətəndaşlar varsa, polisə müraciət etmələri tövsiyə olunur. Faktla bağlı araşdırma aparılır.
[video width="352" height="432" mp4="https://bakuplus.az/storage/photos/2023/02/video-whatsapp-2023-02-03-v-10.04.301.mp4"][/video]
