Bakının Sabunçu rayonu, Məhəmmədli qəsəbəsində şəhid ailələri və əlilliyi olan şəxslər üçün nəzərdə tutulan “Savalan Yeni Yaşayış kompleksi”nə nəzərdə tutulan marşrut xətti yoxdur. Bununla yanaşı, avtobusa minmək üçün sakinlər 2-3 kilometrlik yolu səkisiz qət etməlidirlər. Bu haqda bu gün, 6 oktyabr tarixində Bakuplus.az Avtosfer-ə istinadən məlumat verir.
Sosial binalara ən yaxın marşrut 185 nömrəli avtobusdur. Həmin marşrut “Neftçilər” metrosuna gedir, halbuki əraziyə ən yaxın “Koroğlu” metro stansiyasıdır. Sakinlər mənzilbaşına şəhərin digər hissələrindən 2-3 saata çatdıqlarını deyirlər. Onlar, həmçinin qeyd ediblər ki, sakinlər arasında gözdən əlilliyi olan şəxslər də çoxdur.
Vətəndaşlar yaranmış problemlərin həllini aidiyyəti qurumlardan xahiş edirlər.
