Bakının Suraxanı rayonu, İkinci Mədən adlanan qəsəbəsində yaşayan sakinlər uzun müddətdir ki, içməli su problemindən əziyyət çəkirlər. Bu haqda bu gün, 20 iyul tarixində Bakuplus.az APA TV-yə istinadən məlumat verir.
Sakinlər deyirlər ki, bir neçə dəfə müvafiq quruma müraciət etsələr də, şikayətləri ilə maraqlanan olmayıb. Sakinlərə “Azərsu”dan verilən cavaba görə, yay fəsli başladıqdan sonra su xəttində təzyiq enib.
“Azərsu”ASC-dən isə bildirilib ki, mövcud problem müvəqqəti xarakter daşıyır və qısa müddətdən sonra su təchizatı bərpa olunacaq.
Lakin yerli sakinlərin sözlərinə görə, jurnalistlər çəkiliş apardıqdan sonra suyun verilişi təmin edilib. Çox keçməmiş ərazidə su yenə kəsilib.
